FILUSUFIA

 

I’ mme songo cunvinto ca so nato

futunato e sfurtunato:

 

so’ ‘o guagliunciello ca fa a <vienitenne>

e, si perde, nun s’arrenne.

 

Dice ‘o Destino: -<Si’ martiello ? E vatte !>

Torna a di’: -<Si’ ncùnia ? E statte !>

 

E i’ penzo, quanno veco arrivà o’ bbene:

- <Chisà apprieso che mme vene !>

 

Pecchesto, quanno ‘o cielo se fa niro,

nun mm’affretto, nun suspiro,

 

ma mme ricordo, invece, sti pparole:

<Doppo ‘e  nnùvole, esce ‘o sole !>

 

cu’ ‘sta filusufia, mme sento forte

Pure quanno arriva ‘a Morte

                                                                       E. A. MARIO