’E magazzine e ‘a putechella

 

Magazzine lucente ! Mercanzia

ca abbagli e ncanta, pecchè è ricca e bell

E ‘a clientela ca trase è sempe chell:

tutt’ ‘e signore ‘e ll’aristocrazia.

 

Ce sta, cchiù nnanze, a ll’angolo d’ ‘a via,

nu sapunaro, cu’  na putechella:

stracce e petacce ‘e tutt’ ‘a gentarella

cchiù nzevosa: e che tanfo, uh, mamma mia

 

Ricche  so’  ‘e magazzine. E ogne mumento

nu «trase-e-chiésce»... Eppure, nun se crede

se parla ogne tantillo ‘e fallimento,

 

e ‘o patrone va e vene da  ‘o nutaro !

A Napule – chisà comme succede ! –

Chi  se fa ricco  è  sempe  ‘o sapunaro...

                                                                     E. A. MARIO