Le filastrocche delle nonne cavesi

Chiove e jesce ‘o sole, 

tutt’’e vecchie fann’ammore, 

fann’ammore dint’’o tiano, 

tutt’’e vecchie sò ruffiane.

 

Mazza e panelle

fanno 'e figlie belle;

panelle senza mazza

fanno 'e figlie pazze.

 

Mo' vene Natale,

nun tengo denaro,

m’appiccie na pippa

e me mett ‘a fumà.

Sparano 'e botte

Abbascio ‘o purtone

me metto ‘o cazone

e vaco a vedé'.

 

'Nce steva 'na vota

'nu monaco 'e voto,

jetto a Vico

e se mangiaie 'e ffiche,

jetto a Massa

e se mangiaie 'e passe,

jetto a Purtucariello

e se 'nchiaccaie 'o cazunciello,

jetto a mare

e so sciacquaie,

jetto 'nterra

e s'asciuttaie,

jetto 'a morte

e s''o pigliaie.

 

Piripicchio e Piripacchio,

vanno 'a scola e fanno 'e 'nguacchie,

se n'accorge 'o prufessore:

"Jesce fora mascalzone!"

 

Pizzi, pizzi trangole,

mamme è jute i Vanni

è jute ca bannera

e pizzu ‘u pere

 

‘O sdendato senza riente,

vasa 'nculo a zì' Vicienzo;

‘O sdentato senza  mole,

vasa 'nculo a zì' Nicola.

 

Sega, sega, mastu Ciccio,

‘na panella e ‘nu sasiccio
‘a panella c’a mangiammo
‘u sasiccio c’astipammo,
c’astipammo p’e l’anno venturo

c’astipammo into ‘o teraturo.

 

Nicolino Nicolò

nelle brache si cacò

e la mamma lo pulì

comme puzza Niculì.

 

‘O Monaco

Tup, tup

Chi è ?

‘O Monaco

Che vuò ?

‘O Biscotto

Saglie chù ncopp’

Tup, tup

Chi è ?

‘O Monaco

Che vuò ?

‘A Carrozza

È scassata

E fnimmle ‘e scassà!

E fnimmle ‘e scassa!

 

Ora pro nobis

Ora pro nobis

piglia ‘a mazz’

 e dall’ a chist’

E si chist nun ze vo stà

piglia’ a mazz’

e tuorn l’a ddà.

 

‘E ditt….

‘E ditt na mala parola

zuct, zuct a pummarola

‘E ditt na mala bucia

zuct, zuct ‘a fetenzia.

 

Gira gira pe San Michel

e co zuccher e co mele

e co mele a li palazzi

e Vcienz è ascut’ pazz.

 

Miezz a na bella chiazza

Nce stà na lepra pazza

Chist l’acchiappò (pollice)

Chist la spellò (indice)

Chist la cucinò (medio)

Chist se la  magnò (anulare)

Piripì, pirip’ nienta a me che so piccirì (mignolo)

Conta

La una, la dua, la tre

     1               2              3

cancella la quattr, la cinq

     4                5                     6

la secch'inbò

     7                 8

ole - ò,     ole - ò   cuntatell

 9        10        11       12     13       14

che sirece    so...

      15                  16